茶木‧台式休閒餐廳 (屯門市廣場1期)

营业中

休息中

今日早吃晚餐，六点未够就系屯门市广场揾食，行行吓谂起好耐冇食茶木，所以就碰下运气睇吓有冇位，因为平时晏昼去食都要排好长龙，可能因为我哋早食，所以一入到去就有位。室内嘅环境都好干净，坐低冇耐就有侍应过嚟比餐牌我地，依度都系自助落餐。一睇个餐牌啲嘢食都好似好吸引。今次我哋嗌咗两个面食，一个台式既猪软骨面，一个西式奶油培根手作面，同埋两杯台式饮品自助落单唔够5分钟就上咗碗面，真系好有效率。呢个猪软骨面，汤底系用咗类似红烧牛肉嘅红葱酱烧汤底，个汤温度适中，猪软骨唔会煮得太林，所以都几有口感，如果个面稍为硬身啲就会比较好。奶油培根手作面，整体味道都唔错，但系啲面煮得太冧，同埋比较碎但味道真系唔错。木栅铁观音奶茶加仙草冻，少甜味道啱啱好，茶味都算浓。另外𠮶杯系红豆鲜奶绿走甜，因为本身红豆已经有甜味说走甜系好啱我口味。真系好耐冇食茶木，佢嘅食物质素都算几好，价钱同一般西餐厅差唔多，食物嘅份量都比较多，选择亦都多，希望下次可以去食到佢嘅午餐。