曲奇四重奏 (加拿分道) (已結業)

好耐无食蝴蝶酥，曾经都买得几密，行过见到佢，想买包过下口瘾，见到比上次去多左好多款式。由于最近好需要减肥，见到有只写住代糖既海藻糖蝴蝶酥，试食左块，感觉同原味分别唔大，味道又不过不失。本身都想买礼盒过年送下礼，好过下下都送金莎同蓝罐曲奇咁闷。但系由我入铺头试食，到我打埋电话问屋企人要预备几多盒，到四围睇揾礼盒，足足有10分钟，个店员都系无理到我，自己不停DUP低头玩电话。我行埋去问佢有无4色礼盒，佢都系无理过我既。所以最后，买左一包原味纸包蝴蝶酥过下口瘾就走人。讲真，味道 -  坚系退步左既，无以前咁松化。变左 -  咪又系咁，正常蝴蝶酥啰价钱 - 贵左好多好多，七十几蚊得十二，三块，唔抵食嫁结论咪： 等何年何月谂起好耐无食，先有几会再买。 朋友黎香港旅行话要买当手信？不了。