影片
更多
2013-10-16
2943 浏览
醉琼楼酒家细过𠮶阵附近都有好几间酒家会加醉琼楼落自己个名度,好似要话比人听佢都系做客家菜.但一路大,呢啲酒家就执吓一间,执吓一间,到而家剩低既都已经不多,多年之后既今日又有机会再去食,再一次令我一试难忘.今次去既系湾仔呢间,其实印象中佐敦都好似有一间,不过反而就冇去过.门口黄色三个字,写住醉琼楼,隔离有一只熟咗既肥鸡,就系呢个标记,好有亲切感.酒家系有两层既,楼上楼底矮啲,但好似又坐得舒服啲.不过呢间酒家既位置有个问题,就系响正两个地铁站中间,所以搭地铁就好唔方便.四个人,可以试既嘢唔算多又唔算少,就谂谂佢啲套餐啦,形式有啲似元郎𠮶间大荣华,但款式就应该大荣华多啲.我自己唔系太喜爱食羹,感觉饮完一碗就会好似打咗底,好快就会饱,食少好多嘢,但佢个套餐本身有就冇办法啦.结果我地叫咗下面既𩠌.梅菜扣肉,香煎芙蓉蛋,沙姜鸡,海鲜羹,枝竹炆蚌鱼.呵呵,明明系四人套餐,点解有四个𩠌既?呵呵,因为我大食,所以叫多一个𩠌食啰. 梅菜扣肉,攞出嚟𠮶阵好热好热好热,基本上如果系蒸既,冇乜可能可以去到咁热,所以我估佢系用微波炉叮番热佢,咁有乜问题?其实系冇既,因为呢个梅菜扣肉系我第一个放入口度啲肥肉系会自
细过𠮶阵附近都有好几间酒家会加醉琼楼落自己个名度,好似要话比人听佢都系做客家菜.但一路大,呢啲酒家就执吓一间,执吓一间,到而家剩低既都已经不多,多年之后既今日又有机会再去食,再一次令我一试难忘.
今次去既系湾仔呢间,其实印象中佐敦都好似有一间,不过反而就冇去过.门口黄色三个字,写住醉琼楼,隔离有一只熟咗既肥鸡,就系呢个标记,好有亲切感.酒家系有两层既,楼上楼底矮啲,但好似又坐得舒服啲.不过呢间酒家既位置有个问题,就系响正两个地铁站中间,所以搭地铁就好唔方便.
四个人,可以试既嘢唔算多又唔算少,就谂谂佢啲套餐啦,形式有啲似元郎𠮶间大荣华,但款式就应该大荣华多啲.我自己唔系太喜爱食羹,感觉饮完一碗就会好似打咗底,好快就会饱,食少好多嘢,但佢个套餐本身有就冇办法啦.结果我地叫咗下面既𩠌.
梅菜扣肉,香煎芙蓉蛋,沙姜鸡,海鲜羹,枝竹炆蚌鱼.呵呵,明明系四人套餐,点解有四个𩠌既?呵呵,因为我大食,所以叫多一个𩠌食啰.
梅菜扣肉,攞出嚟𠮶阵好热好热好热,基本上如果系蒸既,冇乜可能可以去到咁热,所以我估佢系用微波炉叮番热佢,咁有乜问题?其实系冇既,因为呢个梅菜扣肉系我第一个放入口度啲肥肉系会自动溶喺口,好甘香,梅菜味道系偏向甜但我自己本身都喜爱甜,肉同梅菜咸甜都适中.如果你钟意食梅菜扣肉又或者一年只有一个quote食梅菜扣肉就一定要试试醉琼楼呢个.
香煎芙蓉蛋, 平时好少叫,因为𠮶日屋企人想试吓就叫咗,份量十足,要睇吓你自己本身要几煎得几香,个人喜爱香口啲,所以有少少改进空间,但纯粹是个人口味,因为见到厚厚既蛋都已经好开心.
沙姜鸡只鸡真系有鸡味呀,哈哈,其实应该系叫盐焗的,毕竟佢地系比较出名,但唔想食得太咸,所以就要咗沙姜鸡.鸡肉唔走滑溜溜路线,相对肉比较实,但如果话佢系实不如话而家都标榜佢地啲肉好滑,咁又系去番个人喜好既问题.沙姜酱浓郁,将啲鸡肉点一点啲沙姜,真系有啲画龙点睛既感觉.海鲜羹就比较大路一啲,我最怕啲羹打献打到成堂鼻涕,咁喺呢度当然唔会出现咁既情况啦.
最后就系枝竹炆蚌鱼了,平时好少食蚌鱼,所以有人炸透再炆,唔使自己整就梗系好啦.鱼嚟讲当然唔可以话有几鲜味了,唔系话佢唔新鲜,而系因为用枝竹去炆都系味道几重既一道菜,所以一定会盖过啲鱼味.但正如其他几个𩠌咁,味道系重,但绝对唔系咸,个蚝油献打得啱啱好,呵呵,枝竹其实先系主角,索埋啲汁,真系好正,又好送饭.另一样值得讲既系啲职员既服务态度非常好,令客人食得好开心.有机会一定会再去过食.
张贴
