鐵板燒雪舟

营业中

休息中

今晚由铜锣湾地胆带路，行到去利苑后面揾食，第一次系行过黎呢边，估唔到有咁多野食。今晚食期待已久既铁板烧，餐厅全部都系bar台位，可以一边食一边睇住厨师烹调，另外仲有间房，私隐度十足，铁板烧既好处就系师傅会按你既进食速度而调节每一道菜既时间，食完一道先上另一道，咁样每道菜都可以保持最新鲜既状态上台。首先会上一杯餐前酒，系柚子酒，柚子味香浓，酒味唔算太劲。和风沙律沙律有沙律菜、蕃茄仔、青瓜等等，配以沙律醋，酸酸甜甜，好开胃。日本九绘鱼鱼汤师傅首先将鱼煎香，鱼肉嫉滑，然后汤底呈奶白色，鱼味超浓。澳洲产鲍鱼第一次见手掌咁大既鲍鱼，肉质非常厚身弹牙，食落好鲜甜，配以香草酱调味。日本产蚝将蚝煎到外脆内软，咬落质感软熟，多汁，配料用左好脆既樱花虾，食落多重口感。和牛厚烧、薄烧，日本炒野菜牛肉油脂分布均匀，厚烧食落有口感，肉汁丰富，牛肉味香浓，薄烧就入口即溶，真系各有千秋。野沢菜烟肉炒饭最后食埋个饭先算完满，用上鸡蛋、烟肉、野菜炒饭，炒饭粒粒分明，镬气十足。味噌汤最后甜品可选生果或雪糕，我就拣左绿茶雪糕。