影片
更多
2022-09-21
3058 浏览
朋友话好耐都未食过烧肉放题，佢在旺角工作，知道呢度有间食韩烧放题几好，所以就带左我黎呢度。餐厅系全层，地方够大。韩式壁画，每枱都有支管抽风，都算企理。夜晚放题有两个餐，分别系大君同世子。世子比大君种类多，同埋D嘢食都靓D，我哋食豪D，拣左世子。拣左世子，大君同样都可以叫。呢个餐真系好多嘢食，连熟食都唔少。叫嘢食就用柯打卡写号码同数量，饮品就自助，钟意饮咩自己攞。前菜：有kimchi同芽菜，朋友话kimchi甜甜地爽口，几好食。另外芽菜入味，爽口。生菜洗得干净，等阵包住D烧肉食无咁热气。北寄贝沙律(右)： 沙律菜新鲜干净，简简单单配麻酱已经好食。水冷面(左)：铺满青瓜丝，里面仲有萝卜丝，炸酱做酱汁，搅埋一齐食，甜甜辣辣，青瓜丝味道够青新，真系ok㖞。炸物：有脆炸一口芝士同炸忌廉蟹肉薯饼，两款都刚炸起，热辣辣，够香。酱油虾：新鲜入味，虾肉结实，第一次食，又几好食㖞。牛肉海带汤：汤唔太咸，清清地，都可以。肉类：呢度份量都几好，一份两件，大大件，个样都够靓仔。牛舌一d都唔韧，薄薄地，易熟，好食。T骨一块已经霸晒个炉，烧到油慢慢渗出，入口当然ok。餐肉切得超厚，慢慢烧香佢，食落好有口感。我哋样样
餐厅系全层，地方够大。韩式壁画，每枱都有支管抽风，都算企理。
夜晚放题有两个餐，分别系大君同世子。世子比大君种类多，同埋D嘢食都靓D，我哋食豪D，拣左世子。拣左世子，大君同样都可以叫。
呢个餐真系好多嘢食，连熟食都唔少。叫嘢食就用柯打卡写号码同数量，饮品就自助，钟意饮咩自己攞。
前菜：有kimchi同芽菜，朋友话kimchi甜甜地爽口，几好食。另外芽菜入味，爽口。生菜洗得干净，等阵包住D烧肉食无咁热气。
北寄贝沙律(右)： 沙律菜新鲜干净，简简单单配麻酱已经好食。水冷面(左)：铺满青瓜丝，里面仲有萝卜丝，炸酱做酱汁，搅埋一齐食，甜甜辣辣，青瓜丝味道够青新，真系ok㖞。
炸物：有脆炸一口芝士同炸忌廉蟹肉薯饼，两款都刚炸起，热辣辣，够香。酱油虾：新鲜入味，虾肉结实，第一次食，又几好食㖞。
牛肉海带汤：汤唔太咸，清清地，都可以。
肉类：呢度份量都几好，一份两件，大大件，个样都够靓仔。牛舌一d都唔韧，薄薄地，易熟，好食。T骨一块已经霸晒个炉，烧到油慢慢渗出，入口当然ok。餐肉切得超厚，慢慢烧香佢，食落好有口感。我哋样样都叫d，肉类质素唔差。连旁边炉边烧蛋，我都觉得好好食。
海鲜：有半壳石蚝，半壳扇具，半壳青口，带子同埋蚬等。size正常，烧完食落都带鲜味。
张贴
