潮式腸粉 (已結業)

差不多已经半年无黎潮式肠粉食, 今晚终于可以再黎食, 我最钟意食既并唔系佢哋既招牌潮式肠粉, 而系好少人会喺度食既鱼腩粥, 通常啲人都只系会食蚝仔粥, 我见佢哋个餐牌有鱼腩粥, 有一次叫黎食吓, 觉得佢又整得几好食㖞, 至次之后每次想食粥都会黎食, 不过其实佢哋既蚝仔粥都好好食架。  无黎半年多咗好多款食物选择, 以前呢度无蚝饼卖, 今次见到有就立即叫黎试吓, 平时喺其他地方既蚝饼都有几块,呢度只系得一块,不过我觉得味道唔错, 不过同喺其他地方食既有啲唔同, 老公BB系潮州人, 佢话个味道好似佢儿时食既咁, 好正宗。 我哋仲叫咗个大地鱼炒芥兰, 呢个今次就做得麻麻哋, 啲大地鱼炒得有啲㶶㶶地, 早知叫扎肉炒芥兰啦。 食得饱得滞食唔落反沙芋, 唯有下次先至食啦。