PizzaExpress (已結業)

原本唔係想食pizza express 嘅，天氣凍都想打個邊爐，坐完船仔最近醫肚嘅地方就係海港城，食飯時間，間間都等位等到傻。。。最後入左pizza express ，之前食過其他舖，覺得麻麻地，所以都冇抱好大期望，點之就岀奇地好味！前菜叫個雞翼，夠juicy 之餘又大大隻！雞翼控都係要叫返碟黎食下！因為身體問題，所以都要戒下口，海鮮未入得口，選擇亦都少左唔少 最後叫左個La Rose，有Panama ham，好豐富嘅芝士，新鮮脆脆嘅薄餅皮，食到一塊接一塊咁！ 推介！最後就食呢個carbonara，本人都幾鐘意食芝士，平時食開呢個意粉呢，食少少開始覺得夠，唔係因為飽喎，係好'漏' 呀！所以今次絕對係一個驚喜，幾飽都要食哂佢呀！大滿足！唔知係咪唔同pizza express 師傅唔同啦，我覺得尖沙咀呢間係好食啲！好彩嘅話仲有海影窗邊位坐添！