吞POT 雞煲火鍋.住家菜 (山林道) (已結業)

今晚同密友们打边炉，抱住愉快同期待嘅心情黎到呢度食鸡煲！叫左鸡煲翅汤底，贪佢汤浓，又无酱油炒咁咸，同无咁油腻嘛，4个人叫左1只鸡，原来份量好足料！我觉得够6至8个人食！仲有好多翅，汤底奶白色劲香浓，未打边炉先饮2碗汤！食左一轮鸡煲翅，开始打边炉喇，白鳝肉质睇落去肥美晶莹，份量亦都唔少，食落爽口鲜嫩，系火锅不二之选。芝士响铃都系第一次食，即炸效果非常特出，浸2秒后即食，食落好香脆，半溶芝士系响铃中间流出黎，有创意。一向对牛小排情有独钟，今次都系叫牛小排！半价左140蚊有咁大碟真系好抵食！份量系多到惊人，而且质素最重要，肉质够爽嫩，肉味浓，油花分布平均，系非常高质嘅火锅配料。就到时间嘅一定要享用配料半价优惠。性价比高，服务亦周到，同朋友黎打边炉谈心最开心不过。