森堡美食

营业中

休息中

好耐无黎新北江，商舖转换了不少，食店亦是，虽然咁多食店，但等位依旧，拣黎拣去，好似森堡最快等到位，就食佢了。先黎杯冻柠茶走甜，当天天气太热，唔饮番杯冻野点得，饮一啖即刻透心凉。茶味浓郁亦没苦涩味，正。朋友叫左奶油多，没试，但见到啲奶多到漏哂出黎，成个碟都系，应该唔差吧。好耐无食，加价加到三十几蚊，虽然比出而其他食店平，但真系加左好多，下午茶份量小啲，但价钱同午餐差唔多，好似食午餐仲抵。唔讲价钱，佢又真系好好食，叫左吞拿鱼蘑菇印尼汁乌冬，乌冬弹牙又饱肚，印尼汁有啲似沙嗲汁，但较甜，多了花生碎粒，椰丝等，更香口。吞拿鱼同蘑菇虽然系罐头之物，但焗起上黎味道不会过咸，蘑菇带来小小水感，食落唔会过干。三十几蚊，ok啦，换左新枱櫈，但依然系咁迫，舖细都真系无办法。