滄浪亭

营业中

休息中

同foodie 同事不约再同咁想食上海菜又夹都冇夹过就search到沧浪亭，就一于去try try!小店唔系好大，一双手数晒所有枱嘅数目，厨房兼楼面由两位姐姐打理。我地叫左嫩鸡煨面同糖醋排骨菜饭。嫩鸡煨面个汤好白好creamy，姐姐话汤底咁白系加左牛奶，嫩鸡同小唐菜切到细细粒方便咬，而且呢个combo超健康又食得开心！幼身嘅上海面吸收左奶白汤嘅精华，口感幼滑，淋得嚟面条中心又有d咬口，的确唔错！菜饭亦系上海菜嘅必食之选，今次配搭左小邪恶嘅糖醋排骨。糖醋排骨真系炸得好酥，同平时用面包糠炸系两样感觉，加恰到好处嘅糖醋汁，令人一粒食完又一粒。菜饭比较水，如果亁身d口感就会再好d。