榴蓮王 (已結業)

话说有日放咗工之后经过庙街，食饱饭之后想揾吓甜品。突然俾我哋闻到阵阵嘅榴梿飘香，沿住庙街一路行就发现左呢一间榴梿王，门口仲要有一个写住榴梿Pizza嘅易拉架，吸引左我哋帮衬呢一间铺头。我哋首先点左榴梿Pizza，因为我哋返大陆食过一个令我哋非常难忘嘅榴梿Pizza。今次竟然喺庙街俾我哋发现到，我哋梗系唔会错过。一嚟到摆喺枱已经闻到超级浓嘅榴梿味，完全系香过大陆嘅榴梿Pizza，仲要个皮系十分之薄，拎起嘅时候仲要有芝士系面头，一摆入口佢阵超重榴梿味真系好耐都唔会散，重点系极多榴梿蓉超抵食！！！之后就到榴梿心太软，呢份榴梿心太软睇落非常之靓，十分之适合女士打卡用。当然食落去都十分之好食，系我哋切开个心太软嘅时候，里面有丰富嘅榴梿蓉流晒出嚟，同朱古力嘅味道十分之配合。再加上旁边嘅榴梿冰，令人想再点多一份！下个月就中秋，应下节，我哋仲试左个猫山王冰皮月饼。入口即溶，好香好重榴梿味！