京滬佳餚 (Fashion Walk) (已結業)

好耐冇食片皮鸭，所以决定揾下铜锣湾有咩餐厅有片皮鸭食，见好多人都推介呢间，就同姊妹们一齐去试吓。醉鸡嘅皮都算爽滑，肉唔老。肴肉好香醋味，食落厚实，好开胃。糯米烧卖，皮薄馅靓，糯米馅软香糯，香气十足。云吞鸡味鲜甜，饮落口系feel到胶质。沙律虾球很惊喜，炸过嘅虾保持到虾弹牙爽口嘅质感，配上杨枝甘露调制嘅酱汁，酸甜开胃，再加上炸过嘅外皮，食落脆卜卜，口感丰富。重头戏嘅片皮鸭，鸭皮酥脆肉滑，加上薄而唔油嘅皮同配料，油香十足，但未令人惊艳，只能说满足左我对片皮鸭嘅渴求。小笼包的确很多汤汁，可惜我一夹上手就穿咗，只能够饮到少许嘅汤汁，肉汁都算鲜甜，不过不失。