18樓雞煲火鍋專門店

营业中

休息中

好耐冇食过鸡煲，𠮶日同朋友去开旺角，就去左食。我哋叫咗套餐A，鸡煲好快就黎到，煮得好入味，而且有好多件鸡，全部都啖啖肉。之后就可以放汤打边炉，餐厅系手机落单，食物有好多选择，我地每样想食嘅都点左一份，上菜速度好快，而且冇漏单。个人比较推荐海鲜，好似脆鲩片、白鳝片以及海虾，因为够新鲜。是日海鲜都有惊喜，系贝壳类海产，我地有再叫。餐厅嘅饮品系出面拎，有三个雪柜，除咗一般外面可以买到嘅罐装同支装饮品，仲有一个雪柜系自家制饮品，我饮左冬瓜茶，味道唔错。两个钟嘅时间好快过，我同朋友最后仲食埋软雪糕先走，真系好满足。餐厅走怀旧风，好有老香港味道，大家可以顺便打埋卡。二百几蚊有多重享受，性价比高，下次有机会会再去。