新羅寶韓國餐廳 (利舞臺廣場)

营业中

休息中

见自己咁耐冇试过韩国菜，咁就揾左一日全家一齐出去食啦。黎到呢间系铜锣湾嘅韩菜店，我地一早已经订左枱所以有得直接入去。一坐低见到枱上嘅餐具都系睇韩剧见到人地用果d餐具黎，不禁笑左出黎。我地叫左去韩式餐厅必点嘅泡菜炒年糕，同韩式炒鱿鱼，两样菜都系用好相似嘅酱料去炒，味道系几够嘅，都几入味，同埋佢系比较偏向韩式嘅，不过就真系几辣。另外我地仲叫左个泡菜牛肉锅，睇佢个锅好大，但系其实好浅嘅，不过都算够嘅。佢入面有好多配料，有再次出现嘅年糕。呢一锅算唔错，连d汤都可以饮埋，净系食呢锅都饱喇。虽然我个人唔系好食得辣，但系难得一次韩国菜无所谓啦，同埋佢地系辣得黎好食嘅。