Ebeneezer's Kebabs & Pizzeria (荷李活道)

营业中

休息中

我相信好多去过英国留学嘅朋友都会知道，Kebab系英国四大美食之一，一来Kebab又平又饱肚，二来英国嘢真系好难食，不过自从返咗香港做嘢之后就冇食过Kebab。早排同朋友行完大馆，喺附近见到有间Kebab店，价钱又唔算贵，就一于入去回味吓好耐冇食过嘅Kebab。坐低本来想叫羊肉，但系可惜净系得牛肉或者鸡肉，咁我就叫咗鸡肉，朋友就要串烧鸡肉，另外我哋两个都加多$15要埋个薯条同气水。Kebab大概十分钟左右就到，个款都似样，馅料非常充足，有大量嘅鸡肉加埋啲生菜洋葱同蕃茄。另外酱料有三款可以选择，分别系蒜头酱、薄荷酱同辣酱。我净系落咗蒜头酱，其他两只味道系点我唔知，不过我落𠮶只几正，都几似你喺外国食𠮶只。总结几好，好耐冇食过Kebab，可以返食。