金蘭花泰國菜館

营业中

休息中

去开九龙城食饭嘅人都知道，通常都系食一定系食泰国菜。因为成个九龙城都系泰国餐馆，所以都无乜所谓反正之前都食过几间今次只系拣一间新嘅去试吓。两个人一坐低见到餐牌好多选择已经觉得眼花撩乱，一开始就叫左一个一定要叫嘅泰式拼盘，有荷叶包鸡，串烧，虾饼同泰式春卷。个荷叶包鸡入面会加上芝麻，配上鸡肉系一个几好嘅配搭，而值得一提嘅系个泰式春卷，入面会有粉丝，萝白丝等等。叫咗一个椰青，都几大个又甜又多水，食亲泰国嘢都必叫。泰式牛肉炒贵叼，其实原本应该系打算叫泰式干炒金边粉，但老猫烧须搞错左变咗贵叼，感觉还可以不过要告诫自己下次一定要记得个名！泰式炸猪手，见台台都有叫所以我哋又跟住叫。成个猪皮炸得好香脆，肉身都好滑，虽然个皮略有小小咸，不过配埋啤酒就一流。猪手份量有啲大，建议多个两个人先好叫吖！叫咗个泰式咖喱包配鸡，之前食过几间都冇呢一个，难得见到今次有就即刻叫。咖喱鸡配包真系几正，另外个包入面会有一个椰皇壳，剩低大概半杯椰皇水会分开上俾翻你饮。