龍城冰室

营业中

休息中

呢排做野有啲忙，决定食餐好少少既你慰劳下自己，唔好成日都食啲几十蚊嘅嘢。所以就决定揾番之前食过好几次、都几好食既冰室食啲铁板餐。入到去，其实都坐满晒（因为都真系几好食），好彩刚好有张空枱。入面依然干净企理。其实我坐低已经2:15左右，真系好肚饿⋯决定食佢最贵既铁板餐：蒜蓉羊架拼香草肠。等左大概3-5分钟左右，我叫既红汤就到左。其实都几足料，味道够浓，咸咸酸酸，唔会淡茂茂。跟著我叫既冻柠茶就瞬间送咗上枱啦。柠檬都切得几多，都有半个，唔会得一两块。而且唔会太甜。然后，我既铁板餐就上啦。（我个红汤已红瞬间比我饮完，太肚饿）肠呢，就正正常常啦，但都几大条。而啲羊架就要俾高分。佢唔会煮到老晒，咬都咬唔开。重点系佢唔会太过多肥肉，令到成块羊架好肥、无咩肉食咁。而调味同啲蒜蓉汁都几好，啱我口味。总括嚟讲，呢间餐厅依然系一贯嘅水准。如果大家想食扒餐都可以嚟食。不过小心食牛扒嘅时候唔好叫得太熟，如果唔系喺铁板烧多一阵之后，就会咬唔开。（我之前有一次就系咁，喊出黎）当然啦今次个羊架嘅水准就唔错。