城中鴨子

营业中

休息中

久违既饭聚，每一次黎海港城，经过城中鸭子都好多人系出面排队，一直都好想试试有几劲。因为上网睇过资料，系冇得预约，只可以walk in，今次两位朋友5/6点就去拎位，然后就去行街，行到8点半，终于有位。烤北京填鸭(半只)首先，卖相精致，烤鸭外皮色泽均匀、油光满满，刀功精湛，皮肉分离，大少一致。外皮烤得酥脆肉嫩，配菜有青瓜、京葱、饼皮，加上沾酱，甜而不腻。不得不称赞饼皮，皮薄但不会太干，而且烟烟靭靭，食过咁多间片皮鸭，第一次食到呢烟靭既饼皮。无锡灌汤小笼包皮薄多汁，肉汁鲜甜又不会油腻。京酱爆里脊丝京酱系偏甜，加上京葱、饼皮，不错既配搭。麻辣水煮鱼片鱼肉唔系薄片，系鱼块，嫩滑得黎又唔会有鱼腥味。而且有好多配菜，有粉皮、腐皮、芽菜。香芋海鲜焗饭焗饭系炒饭底，唔会湿淰淰，系粒粒分明既饭粒，但系好少芋头。总括嚟讲，排咁耐队系直得，虽然净系可以walk-in , 但可以早啲去拎位，再行下街。装修环境都唔错，入面既位都坐得舒服，但因为室内灯光太大，个窗唔系好睇到海景，浪费左个海景。