影片
更多
2021-08-02
2580 浏览
一年一度姨仔嘅生日饭，旧年因为疫情严重就无搞，今年疫情缓和咗好多就出街食番餐，不过，以往都无点大搞，今次当然都喺加埋老婆3个人而已。我哋都喺住晌美孚，所以，近近哋拣咗过嚟荔枝角D2 Place，贪呢度选择多。睇过众多餐牌资料，觉得「J's Bistro」价位实惠，风评唔错！虽然订咗枱，但闲日晚嚟到，客人唔多，而餐厅一室以深色木系装修为主，加上有唔少小盆栽作点缀，明显喺走田园风；地方整洁，灯光亦比较光猛，我哋被安排坐晌最入最埋嘅卡位，较静局，更方便我哋倾偈。如果一个人嚟，最正喺餐厅尾嘅吧枱位，有大窗对住街景，唔使面壁，又有种自成一角嘅感觉。餐厅采用半自助形式，即喺晌收银处落单，俾个号码牌你放晌枱上，等店员将食物送上。所以，餐厅正中央有个自助区，放咗好多餐具、餐碟、餐纸、纸杯、各种调味料……等等，自由取用。晌门面贴咗一张海报，亦喺晌其他人食评见到时，考虑嚟呢度嘅原因为之， 因为老婆喺食嘢讲健康嘅人。张海报写住店家主打卖欧洲健康美食，使用严选优质食材，并以意大利橄榄油烹调，无添加味精。而食物选择方面，有两个主餐牌，一款叫「全日套餐」，包意式蔬菜浓汤配迷你牛角包、配菜（8拣1，有热盘，有冷盘）
虽然订咗枱，但闲日晚嚟到，客人唔多，而餐厅一室以深色木系装修为主，加上有唔少小盆栽作点缀，明显喺走田园风；地方整洁，灯光亦比较光猛，我哋被安排坐晌最入最埋嘅卡位，较静局，更方便我哋倾偈。
如果一个人嚟，最正喺餐厅尾嘅吧枱位，有大窗对住街景，唔使面壁，又有种自成一角嘅感觉。
餐厅采用半自助形式，即喺晌收银处落单，俾个号码牌你放晌枱上，等店员将食物送上。所以，餐厅正中央有个自助区，放咗好多餐具、餐碟、餐纸、纸杯、各种调味料……等等，自由取用。
晌门面贴咗一张海报，亦喺晌其他人食评见到时，考虑嚟呢度嘅原因为之， 因为老婆喺食嘢讲健康嘅人。张海报写住店家主打卖欧洲健康美食，使用严选优质食材，并以意大利橄榄油烹调，无添加味精。
而食物选择方面，有两个主餐牌，一款叫「全日套餐」，包意式蔬菜浓汤配迷你牛角包、配菜（8拣1，有热盘，有冷盘）、主菜（5款供选择），而定价以主菜计，$68-$218，当中春鸡及猪仔背骨有唔同份量拣，整体嚟讲弹性都几大，虽然唔包饮品，但有特价加配优惠。
另一款叫「晚市套餐」，包意式蔬菜浓汤配迷你牛角包、田园沙律、主菜（10拣1），定价同样以主菜计，$88-$108，亦唔包饮品，但有特价加配优惠。餐厅全日都无加一，所以，真喺几实惠。结果，我哋就点咗一客全日套餐，两客晚市套餐。
饮品方面又点呢？都选择多多，定价都唔贵，如果拣意式咖啡，相信喺自动咖啡机制作（因为晌自助区有成部自动咖啡机晌度），反而，较有特色喺啲西班牙无醇汽泡饮品及西班牙果汁。
意式蔬菜浓汤配迷你牛角包、田园沙律先喺一次过送上热汤、牛角包、沙律，呢一款意式蔬菜浓汤喺老婆最心水，酸香健康，内有好多蔬菜，味道不俗，而牛角包都几酥脆，富牛油香，如能再烘得热啲就更正，至于沙律就只喺简单嘅沙律菜加点油醋，OK咁啦。
烤法国无激素春鸡（半只）$108全日套餐拣咗半只春鸡，贪佢既喺嚟自法国，又标明无激素，喺有营之选，焗得外皮金黄，虽然喺春鸡咋，但都几大只。入口外皮香脆，皮下脂肪少，肉质比预期嫩滑，调味都唔错，唯一挑剔位喺卖相过于简单，基本喺无咩点搞卖相，我谂摆半粒车厘茄搭少少蕃茜都会靓仔好多。
焗素千层面全日套餐嘅配菜有啲拣错，一心一意谂住拣个素食俾老婆，但又千层面，又珍珠米饭，太多淀粉类。再者，睇样好似几正，但啲千层面内层唔够汁底，焗得干身，口感有啲硬，真喺麻麻哋。
托斯卡纳干蕃茄意大利粉 $88对比个千层面，呢碟意大利粉正好多，虽然只喺得啲干蕃茄，但一来啲意大利粉煮得啱啱好，既油润，又咬口，二来啲干蕃茄味道好浓郁，食得出喺靓货嚟，简单嘅配搭，味道却喺出奇地清新。
托斯卡纳干蕃茄意大利粉
$88
36 浏览
1 赞好
0 留言
另一个晚市套餐拣咗有个饭底嘅墨西哥烤鸡肉，依个抵食，因为有好多墨西哥烤鸡肉，而且，鸡肉烤得有啲焦香，兼好味道极之惹味，珍珠饭亦好软熟，值得推荐。
墨西哥烤鸡肉焗珍珠米饭
$98
30 浏览
1 赞好
0 留言
平常茶茶啡啡饮得多，今次见有啲西班牙果汁供应，加配又唔喺贵，所以，自己就拣依一款白葡萄桃子汁，味道几清新，有阵阵果香味，而且，喺有汽嘅饮品，入口更爽。
餐厅都有甜品供应，有咩款式？放晒晌收银机下嘅冻柜，一眼睇晒，呢一晚就只得两款，标价为$38，唔贵，所以，索性试晒两款。
朱古力榛子碎饼 $38平常多半喺芝士蛋糕、慕丝蛋糕之类，但今次嘅蛋糕，睇外观有啲似美式嘅焗馅饼。最底层觉得似喺用消化饼加榛子碎倣嘅饼底，中间一层就填满咗软心嘅朱加力浆，然后顶层喺软软哋，但又好挺身嘅蛋糕，整体食起嚟，口感甚具层次，食味亦都不俗。
自家制红桑莓朱古力心太软 $38初时以为红桑莓喺指会摆啲装饰，但个心太软卖相就只喺得件心太软，无咩伴碟，而食落朱古力味够晒香浓，但就唔喺好觉有红桑莓嘅味道，而且，个人就觉得焗过笼咗少少，所以，里面嘅朱古力浆唔喺好流。
除咗个千层面之外，其余嘅菜式都做得唔错，而且，定价相宜，份量又足，食到我哋3个非常之饱。虽然喺半自助，基本上都无咩服务可言，但至少送菜、收拾都交足功课，店员嘅态度亦好有礼貌！
张贴
