金蘭花泰國菜館

营业中

休息中

之前行街多数食日本菜，韩国菜或者西餐，巳经食到厌。近来爱上食泰菜, 喜欢果种酸酸辣辣既感觉。问过朋友，佢叫我试下九龙城呢间老字号金兰花，于是放工去左呢间食。冬荫功朋友叫我必试呢度既冬荫功，我叫左碗细既。个汤睇落好浓咁。饮一啖试下，WOR~ 即刻爱上! 香茅味好重好正，酸同辣都好够劲道。成个汤好多香料浸住，D虾Size都够大，汤又够浓郁，真系真材实料！曾经去过几次泰国玩，觉得呢间既冬荫功仲好饮过好多泰国果边既餐厅。算我朋友无介绍错啦~炒椰苗泰国既菜，卖相翠绿，食落爽口，蒜蓉味都几惹味。OK~泰式生菜包生菜食落都新鲜爽脆。肉碎炒得好香又唔会好肥。食落去又系我最钟意既酸酸辣辣，好开胃。生菜包住肉碎食，食完一块又一块都唔觉得超饱。最后我连垫底果块菜叶都食埋。金边粉炒得几有镬气，够干身唔油腻，入口弹牙，甜、酸、咸咩味都有齐，仲有花生碎捞埋一齐食，味道层次丰富到不得了，超开胃，我谂我自己KO一碟都无问题呀。