sensory ZERO (One Island South ) (已結業)

「好耐无同你出街食嘢啦！」… 自从开始拍拖，出黎工作之后，我都好少系屋企食饭，或者同屋企人食饭。尤其是妈咪，以前每逢星期六，日，我都会同妈咪周围揾野食，行街街。难得今日得闲，又系星期日，就同妈咪近近地渣车去黄竹坑食个午餐！ Sensory Zero，一间我想黎好耐既 cafe。就系因为佢近，所以就迟迟都未去。系 One Island South 消费满二百蚊可以免费泊车，又近地铁站，其实都好方便。呢度系自助形式既，自己去台前落单，付钱，然后等号码去开放式厨房取餐。推介有我最爱既蛋治。唔系普通既炒蛋，系用咗日本鸡蛋炒起既滑蛋。质感好 fluffy，半熟程度而且好滑，蛋香亦比一般既重；至于面包系松厚既，涂上牛油系非常香。另一份我十分推介既系「三层蒲烧鳗鱼滑蛋饭」！虽然唔系好似日本个啲咁一层饭一层鳗鱼，但真系有三条蒲烧鳗鱼架！饭底系日本米，滑蛋份量就比较少，但都好滑；鳗鱼肉厚身，烧汁落得刚刚好，配上紫菜碎同葱粒，真系唔得输！为妈咪叫咗一份佢最爱既炸秋葵「粒」。炸得金黄香脆，无太多调味，就只系跟上沙律酱已经好足够。最后，呢杯姜汁拿铁有好 Instagrammable 既拉花，随杯附上一匙蜜糖姜