品香樓中西風味餐廳

营业中

休息中

收工落堔水埗买野，搞掂晒之后就顺便医下肚。行下行下都唔知食乜好，突然醒起依度同石硖尾好近，又怀念南山村既味道，于是就决定今晩食久违既品香楼。七点正去到，门口已经有一大堆人聚集等候。无谂过咁既场面，搭枱既就即刻入得。两位被安排一大张圆枱，一张枱搭左五台客，足足坐满十二人，而且眼见围围都坐无虚席。犀利！叫左个豉椒炒蚬，落单后唔系点洗等。先讲味道，系ok有镬气既，但系好多吉壳，肉唔算多但够大粒。粒粒肉都无沙，清得好干净，钟意食蚬但好怕食到有沙既蚬，依方面真系做得几好！另外椒盐九肚鱼，可能系新鲜即炸，等得比预期耐。热辣辣，趣卜卜，真心好得。炸又炸得岩岩好，鱼肉滑嘟嘟好嫩滑。而且份量好多，食唔完一样。最后，黎得品香楼必饮既当然要饮。忌廉朱古力，厚厚既忌廉饮得出系自己打既，好滑好邪恶。朱古力够晒浓郁，甜度适中，价钱合理。原来冻奶茶都可以要求加忌廉，无得输呀！下次要试下其他特式小菜！