影片
更多
2017-01-21
497 浏览
终于旅行完返黎喇，成大半个月都系食清淡嘅菜色而且完全无食过饭。所以返黎香港即刻约朋友出黎食返啲浓味食物平衡返味觉。咁首选当然系印度菜啦！见呢度几就脚所以晚饭就决定黎会一会佢。一入门就已经听到好轻快嘅印度音乐，虽然听唔明，但边听住ＭＶ边进餐，感觉上气氛几唔错的。之后我地点左个二人晚餐黎食，贪佢可以食多几款唔同嘅食物嘛。最先上菜嘅系三色酱，咖哩角，炸蔬菜球同埋印度脆饼。个人觉得炸蔬菜几好食，香料味足但唔会好油腻，反而咖哩角就唔够味了。三色酱无论配咩都几夹，食得最多系配Naan𠮶时，青色嘅薄荷酱好好味。脆饼完全唔够食啊，老板肯加大脆饼嘅份量就好了。之后系烧鸡(橙色)同烤鱼(黄色)，仲有印度菜入面最重要嘅Naan。烧鸡虽然有少少干但好入味，配上烧烤酱黎食好好味。烤鱼就咁加少少柠檬汁就够了，唔使点酱都已经几好食。而个Ｎaan真系食极唔厌，烟韧嘅口感外加点点焦香味，无论就咁食，配之后嘅咖喱或者配三色酱都无得弹。呢个系跟餐嘅奶茶，印度奶茶同街边饮或者茶餐厅饮嘅唔同，佢会有一种独特嘅香料味，奶味偏淡，混合埋香料个味系几清新的，但如果个茶再浓返啲就好了。呢度嘅咖哩唔会好辣，但系够香同惹味。咖喱羊虽然细细
一入门就已经听到好轻快嘅印度音乐，虽然听唔明，但边听住ＭＶ边进餐，感觉上气氛几唔错的。之后我地点左个二人晚餐黎食，贪佢可以食多几款唔同嘅食物嘛。
最先上菜嘅系三色酱，咖哩角，炸蔬菜球同埋印度脆饼。个人觉得炸蔬菜几好食，香料味足但唔会好油腻，反而咖哩角就唔够味了。三色酱无论配咩都几夹，食得最多系配Naan𠮶时，青色嘅薄荷酱好好味。脆饼完全唔够食啊，老板肯加大脆饼嘅份量就好了。
之后系烧鸡(橙色)同烤鱼(黄色)，仲有印度菜入面最重要嘅Naan。烧鸡虽然有少少干但好入味，配上烧烤酱黎食好好味。烤鱼就咁加少少柠檬汁就够了，唔使点酱都已经几好食。而个Ｎaan真系食极唔厌，烟韧嘅口感外加点点焦香味，无论就咁食，配之后嘅咖喱或者配三色酱都无得弹。
呢个系跟餐嘅奶茶，印度奶茶同街边饮或者茶餐厅饮嘅唔同，佢会有一种独特嘅香料味，奶味偏淡，混合埋香料个味系几清新的，但如果个茶再浓返啲就好了。
呢度嘅咖哩唔会好辣，但系够香同惹味。咖喱羊虽然细细碗，都有四五件食落只系少少膻，但朋友都竟然接受唔到。难得呢度煮得唔错，只可以话佢唔识食了。椰菜薯仔都煮得腍，捞少少佢嘅辣酱个味会再丰富一啲。而个黄饭比较干身，细长嘅米粒好适合配上咖喱一齐食。不过本人最钟意还是用Ｎaan包住啲饭同羊肉再沾咖喱汁，一次过送入口。因为咁先似正宗食法架嘛。
最后食埋个芒果雪糕，呢餐真系时隔大半个月最满足一餐。呢度嘅食物改良左少少，迎合港人口味之余亦保留印度风味，唔错唔错。
张贴
