古早牛肉麵 (已結業)

同朋友去开深水埗睇电脑野，顺便系附近食埋晚餐。见到呢间search下又几多好评，加上好耐冇食台湾菜，就决入去试吓！门面同室内装修简约舒服，衞生不错。时间尚早所以唔多人，坐多阵就开始多客。餐牌好多小食选择，所以决定唔叫主食，试多几款小食先🤣-蚵仔面线-虽然我好钟意食台湾野，但其实系我第一次食蚵仔面线，因为同行朋友好想食🤣份量很足，食咗几啖觉得都不错，不过大部份还是留返比朋友慢慢叹😆-综合甜不辣-烟烟韧韧几香口，好食，加埋个酱酸酸甜甜几正👍🏻-肉燥烫青菜-卖相不错，颜色翠绿，几爽又清甜。-炸花枝丸-好耐冇食花枝丸啦，够弹牙😋咁多碟最钟意呢一款呀-卤蛋豆腐干-呢碟就不过不失-起司蛋手抓饼-本身劲钟意食蛋饼同手抓饼，呢一碟系佢哋嘅结合版。虽然蛋味唔算浓，但手抓饼够脆，放耐左都唔会淋，赞👍🏻里面仲有劲多菜，足料。今餐真系眼阔肚窄，叫咗劲多嘢好饱🤣整体都算唔错，最紧要价钱合理同埋服务好好礼貌😊