忘不了拉麵小籠包 (已結業)

从杂志上得知以前夏面馆的师傅去左呢一间铺头度，就好想黎呢度试下个嫩鸡煨面~因为之前食过夏面馆的嫩鸡煨面，一直「忘不了」(食正个名)，所以好想再回味一下~𠮶日下昼超级肚饿，特隘黎左呢度~一个人叫左个set黎食~其实佢下昼d set唔平，都成$40~不过胜在有豆浆、有桂花糕送、仲有个小食~我当然叫左嫩鸡煨面set啦~小食就拣左麻酱粉皮，饮品要左黑豆浆~嫩鸡煨面都keep住水准~因为我好钟意佢𠮶种腍腍地的面质~个汤底都好好饮~唯一逊色的系鸡肉~系雪藏鸡~以前系真系手撕鸡咁~我一个人都ko左成碗面~麻酱粉皮好好食......之前食某间连锁著名的上海铺.....系咸的.....怪怪的.....黑豆浆就冇咩特别，豆味略嫌唔系好浓......桂花糕都ok既~其实之前同fd食过佢地既八宝粒粒炒年糕~ok wo~年糕又唔会好硬~仲有小笼包，初时好有期望，虽然食落未算超班，但唔会失望既~临走前见到人地食小菜同上海粗炒~好吸引~下次要黎食!