一鍋堂 (大鴻輝(荃灣)中心) (已搬遷) 新店位置

实在好耐冇食火锅，早几日同朋友去左荃湾一锅堂。呢次好似系我自肺炎开始第一次入火锅店，真系唔知原来依家出去拎配料要戴口罩，虽然麻烦，但都卫生啲，大家都安心。手机落单好方便。坐低第一件事当然系拣汤底同餐，拣左套餐B既特选安格斯牛配胡椒猪肚同养生药膳汤底。落完单等上菜既时候就可以出去拣下啲配菜同酱料。一锅堂有啲自家制既茶都好值得一试，系雪柜可以自己拎。就咁睇觉得个汤底都几足料～可以就咁饮几啖试下味先。几中意一锅堂其中一点就系佢地上菜会放哂入呢啲积木tray，叠埋定分开摆都几方便。每份其实都唔大，好岩我呢啲咩都想试下，2个人黎食都唔会太大压力，而且啲𩠌都几新鲜，唔系霉霉烂烂果啲，真心唔错！