海皇粥店 (東港城) (已結業)

以前细个母亲大人早餐成日都叫我食粥，细个觉得又热又无口感，人大哋口味变咗好多，虽然我食嘢先倾得上清淡，但系间唔中都会想食粥，而且觉得好味。粥底唔重味，都几绵，不过油器类除咗油条外其他就一般，另外呢间分店职员好有礼貌。Q牌油器：煎堆，其实3件抵啲，不过职员话卖晒。海龙皇餐：海皇一品粥，鲜虾肠(半份)，油条，豆浆。我觉得用配件唔够鲜所以粥带唔出鲜味，好普通，肠粉几好，豆浆香浓。特餐：+$7油器一件(牛脷酥)皮蛋碎牛粥，虾米肠。+$8冻奶茶生滚西洋菜猪膶粥配油条，猪膶唔老无渣唔会太薄又爽口，好味。生滚粥餐：+$14叉烧肠皮蛋滑牛粥，油条半客。肠粉嘅馅都几多，皮蛋都好味，唔系实心𠮶种。