蛇王兄

营业中

休息中

自从香港冇咩冬天之后，而且蛇羹又加价加到好贵，已经食少咗好多蛇羹啦。今日专登去蛇王兄，试一试久违嘅蛇羹餐，听闻呢度系被誉为「被蛇羹耽误嘅鸡饭」蛇店。我哋两个人，叫咗一个大蛇羹餐，阿姐建议我哋，一碗鸡饭转一碟鸡饭，加$15,抵好多。首先，形容下环境，都系一般蛇店坐面壁位，全店满座，好彩唔使等位。店内嘅员工都好亲切。舖头都好干净。睇到配料，蛇羹嘅灵魂薄脆，应该就系买返嚟㗎啦，比较硬小小，柠檬叶，如果切幼啲会更加好。讲返蛇羹，我哋叫咗个大蛇羹，都几大碗，入边好多料，好多肉，味道都好好，唔会水汪汪，浓淡适中。我最欣赏就系佢嘅蛇汤，好鲜甜，饮完觉得好滋润，好好咁。蛇汤入边有好多料有龙眼杞子淮山牛蒡同埋陈皮。饮完成个喉咙舒服晒。灵魂人物鸡饭，阿姨俾咗鸡髀加鸡翼，好嫩滑，正常好食嘅味道，可能之前啲人讲到太夸张，所以冇乜惊喜。阿姨话，蛇汤下次叫个大嘅，加多$15,就等于两碗细嘅，下次试吓先。我哋食完，因为出面冇人等，阿姨话可以坐多阵，冇赶我哋走。买单可以用八达通或者现金。下次可以试埋佢嘅糯米饭先。