阿太車仔麵 (已結業)

细细个成日都同老豆食车仔麺 大个左好忙就少食左。。咁啱呢日行过牛头角道 有间装修得好新浄嘅车仔面铺头 咁就去咗小试牛刀。 原来小店啱啱起步，装修得好靓，好有日本嘅味道。 餐厅啲侍应服务态度都好好 而且睇落都好干净。 本人好中意食猪肠 所以就试吓呢度嘅猪肠 加左猪皮同鱼皮饺。 首先讲吓汤底，汤底好浓郁而且啲米粉煮得啱啱好 都几爽口 鱼皮饺大大粒入面啲料好鬼足 猪肠嘅份量都几多 而且卤水十分入味。 加上上菜嘅时间都好快 成碗野热辣辣 真系唔错。唔单止咁而且仲送热饮 咁就买咗杯热奶茶 奶茶尚算可以 正常茶餐厅水准 最后埋单＄42 价钱都可以接受。 见到餐牌上面仲有唔同嘅小食 款款都好有特色 相信下次帮衬可以再试多啲!