Chumchummi (已結業)

第一次系葵兴放工，谂住同同事食埋晚饭先番屋企，见到KCC商场去行去揾下有咩食，同事见到呢间韩国菜就话要食。一坐低店员就递上前菜，有正宗辣泡菜，甜甜地爽口莲藕，咸香脆口鱼干仔，清甜翠肉瓜，仲有铁板粟米拉丝芝士。酱油蟹套餐酱油蟹蟹身饱满，味道鲜甜，无腥味，蟹膏金黄浓味，酱油不会太咸，再加紫菜饭一齐食一流。蔬菜紫菜饭卷+辣炒年糕+炒粉丝呢个set简直系我最爱，饭卷大大件好扎实，年糕口感烟韧，酱汁甜甜地而且都几辣，粉丝配菜多，味道略淡。另外我地追加饺子，炸得香脆内软，Juicy。