影片
更多
2020-09-12
3277 浏览
自从第三波疫症爆发之后，都好少出街食饭，莫讲话饮茶，而家疫情稍为好转，即刻同屋企人去叹杯靓茶食个点心先！呢度个无敌大海景真系好正，除咗景靓之外，呢度嘅点心都好好食，所以疫情前我哋经常都会嚟。今次总共要咗七款点心，首先有每次我哋都必点嘅金沙脆皮鲜虾肠。薄薄嘅肠粉皮包着非常酥脆又唔油腻嘅脆脆，仲有主角弹牙鲜甜嘅虾，每次都同妈咪争食！然后继续系香脆嘅点心，就系椒盐鲜鱿！炸皮够薄，鱿鱼亦都完全唔靭，加埋重口味椒盐，想拎佢嚟送酒。煎炸野嘅代表仲有腐皮素鹅，同样地外层好脆，但系入面嘅馅，包括红萝卜冬菇木耳等等非常之入味，个汁嘅稠度刚好，唔会整淋啲腐皮又唔会标水，好好食。之后就到蒸嘅点心，首先有金箔赛螃蟹饺，将赛螃蟹，即系蛋白，放入虾饺皮入边，好软滑，原来都好好食。再有呢排大热既蟹粉小笼包，小笼包汤汁非常之够，但系如果蟹粉味再龙多啲就更加完美啦。再要咗笼叉烧包，呢度嘅叉烧并唔系非一般嘅叉烧，系用咗上等嘅黑毛猪肉去做，猪肉食落特别香同淋，个叉烧酱味道都调得好好，甜甜地好开胃。压轴嘅有丰料珍珠鸡，一打开除咗闻到好香嘅荷叶味之外，好惊喜嘅系呢度用咗红米，更加健康。而且佢真系冇改错名，真系好足料！啖啖都有冬
呢度个无敌大海景真系好正，除咗景靓之外，呢度嘅点心都好好食，所以疫情前我哋经常都会嚟。
今次总共要咗七款点心，首先有每次我哋都必点嘅金沙脆皮鲜虾肠。薄薄嘅肠粉皮包着非常酥脆又唔油腻嘅脆脆，仲有主角弹牙鲜甜嘅虾，每次都同妈咪争食！
然后继续系香脆嘅点心，就系椒盐鲜鱿！炸皮够薄，鱿鱼亦都完全唔靭，加埋重口味椒盐，想拎佢嚟送酒。
煎炸野嘅代表仲有腐皮素鹅，同样地外层好脆，但系入面嘅馅，包括红萝卜冬菇木耳等等非常之入味，个汁嘅稠度刚好，唔会整淋啲腐皮又唔会标水，好好食。
之后就到蒸嘅点心，首先有金箔赛螃蟹饺，将赛螃蟹，即系蛋白，放入虾饺皮入边，好软滑，原来都好好食。
再有呢排大热既蟹粉小笼包，小笼包汤汁非常之够，但系如果蟹粉味再龙多啲就更加完美啦。
再要咗笼叉烧包，呢度嘅叉烧并唔系非一般嘅叉烧，系用咗上等嘅黑毛猪肉去做，猪肉食落特别香同淋，个叉烧酱味道都调得好好，甜甜地好开胃。
压轴嘅有丰料珍珠鸡，一打开除咗闻到好香嘅荷叶味之外，好惊喜嘅系呢度用咗红米，更加健康。而且佢真系冇改错名，真系好足料！啖啖都有冬菇鸡粒！
好满足同埋好令人怀念嘅饮茶味道啊！
张贴
