必勝客

营业中

休息中

今日难得唔洗返工，一于就请屋企人食晚餐啦！好耐冇食过Pizza啦，久违地叫返个Pizza Hut外卖吧。虽然屋企得3个人但我哋叫嘅系4人餐。跟餐包括一个指定大批、2个饭或意粉、一份小食、一份菜、4份汤或可乐。其实睇落都够食嘅。我哋就叫咗一个意式鸡皇意粉系我老豆食嘅，一个葡汁鸡皇焗饭系我食嘅，两份都几好食几香口下。一份葡汁焗蔬菜，呢个就麻麻地。西兰花同椰菜花都比较硬，红萝卜球更加硬，味道亦都唔太好。但系忌廉鸡汤系真心好饮，同市面上买到嘅忌廉鸡汤都系有啲分别嘅。一份小食就叫咗辣鸡翼加肠仔，呢个比较普通，辣鸡翼肉质比较霖，可能系摆耐咗啫；肠仔真系普通，冇咩好讲。批方面我哋就叫咗个三文鱼诱惑大批。见到实物又真系几诱惑下㖞，一打开盒即刻闻到佢嘅香味，pizza上面仲有放到芝士粒、蕃茄仔、洋葱、虾同主角三文鱼，非常之咁足料呀！！！食落都真系惹味，因为有芝士嘅原因，咬一口真系有拉丝出黎，食pizza就系为咗呢一刻。