新志興至尊燒鵝大王

营业中

休息中

今日同一行九人行完飞鹅山，好自然就决定喺彩虹附近一带揾食，有人提出仲有冇大牌档感受下，印象牛池湾好似仲有，于是上 Openrice就揾到「新志兴」😜唔知点解，去大牌档好自然就会堕入大牌档嘅角色🤪，第一件事首先就叫左几支大蓝妹（连冰筒），跟住再点几个𩠌送酒，包括「烧鹅、卤水猪脚仔、炸蚝饼同黄金鲜鱿」😍「烧鹅」差唔多每台必食，只鹅好大只，皮下脂肪唔算多，烧得唔错肉味鲜美👍「卤水猪脚仔」卤得好冧好入味，啖啖肉送啤酒一流😋如果将呢度「炸蚝饼」同真系潮州菜馆出品比较，坦白讲系有点逊色，但大牌档风味就系平靓正，果头厨房煮好好快就送到你面前，样样热辣辣其实已经加分同埋好食😉「黄金鲜鱿」做得非常好食，咸蛋黄蓉包匀每件鲜鱿，食落啖啖咸香，真系唔使一阵，几个𩠌就消耗左好几枝大啤🤪见食到差唔多，继续开放第二 round，再点多几个菜「虎皮酿尖椒、柚子骨、虾干浸豆苗、顺德小炒王」🍻「虎皮酿尖椒」系另一个今晚好有印象嘅菜，蒜头豆豉辣椒炒得好香，系咪大牌档先有呢啲镬气呢🤔 辣椒好好味又唔会太辣，正👍「柚子骨」系靓仔哥哥（其实系呀叔🤣）介绍嘅，咁我哋当然唔会拒绝，最后都冇失望，柚子味浓肉排又冧，唔错😋食咗咁多肉都要