影片
更多
2022-11-15
1137 浏览
麻酸乐米线专门店📍天水围天恩路12-18号+WOO嘉湖1期1楼138号舖同朋友去完屏山图书馆，本来想带佢食新北江好出名嘅米线，但居然撞正佢休息，所以要转场去银座揾食。其实银座嘅餐厅选择唔多，大部分都系连锁店，所以我哋就拣咗去呢间唔系咁常见嘅餐厅食。我仲记得中学时期有特登早啲起身同朋友嚟麻酸乐食早餐，不过晚餐真系第一次！ 💰$148二人同行 👩🏻❤️👨🏻前菜：生煎葱肉饼 🍘本来以为肉饼系猪肉饼，点知原来系生煎肉包仔，唔好睇佢好似平平无奇，一咬落去啲汁喷到成枱都系，劲惊讶！而且外皮好香脆，油热辣辣，前菜嚟讲都几特别！不过应该系现成急冻嘅肉饼，之前都试过喺冻肉专卖店买过类似嘅嘢返去用气炸锅炸嚟食，咁嘅价钱有四件算性价比好高啦！汤：黑鱼片皮蛋豆腐芫茜汤 🍲黑鱼片够晒嫩滑，食咗咁多块都无一块食到有骨嘅，大赞！皮蛋系有雪花嘅，非常浓味，豆腐亦都好滑，个芫荽汤比较似羹，清清地几好味。主菜：椰香咖哩鱼柳煲 🥘慢煮特级猪腩肉伴卤水蛋 🐖🥚卤水蛋卤水味浓，蛋有少少过熟所以蛋黄散散哋，但味道系ok嘅。猪腩肉唔会韧，不过我呢啲怕肥人士就略嫌佢太多肥肉，所以将啲肥肉俾晒我个大把quota嘅朋友食！成个拼盘嘅重
📍天水围天恩路12-18号+WOO嘉湖1期1楼138号舖
同朋友去完屏山图书馆，本来想带佢食新北江好出名嘅米线，但居然撞正佢休息，所以要转场去银座揾食。其实银座嘅餐厅选择唔多，大部分都系连锁店，所以我哋就拣咗去呢间唔系咁常见嘅餐厅食。我仲记得中学时期有特登早啲起身同朋友嚟麻酸乐食早餐，不过晚餐真系第一次！
[价钱 Price]
💰$148
二人同行 👩🏻❤️👨🏻
前菜：
生煎葱肉饼 🍘
本来以为肉饼系猪肉饼，点知原来系生煎肉包仔，唔好睇佢好似平平无奇，一咬落去啲汁喷到成枱都系，劲惊讶！而且外皮好香脆，油热辣辣，前菜嚟讲都几特别！不过应该系现成急冻嘅肉饼，之前都试过喺冻肉专卖店买过类似嘅嘢返去用气炸锅炸嚟食，咁嘅价钱有四件算性价比好高啦！
汤：
黑鱼片皮蛋豆腐芫茜汤 🍲
黑鱼片够晒嫩滑，食咗咁多块都无一块食到有骨嘅，大赞！皮蛋系有雪花嘅，非常浓味，豆腐亦都好滑，个芫荽汤比较似羹，清清地几好味。
主菜：
椰香咖哩鱼柳煲 🥘
慢煮特级猪腩肉伴卤水蛋 🐖🥚
卤水蛋卤水味浓，蛋有少少过熟所以蛋黄散散哋，但味道系ok嘅。猪腩肉唔会韧，不过我呢啲怕肥人士就略嫌佢太多肥肉，所以将啲肥肉俾晒我个大把quota嘅朋友食！成个拼盘嘅重点系伴碟嘅菜脯粒同杂菜粒，微酸微辣，够晒醒胃，捞饭一流！
配送：
白饭两碗 🍚 (+$6可转肉燥饭一碗)
饮品两杯 (冷热同价)
晚市呢个价钱，食到一个前菜、两个小菜、一个汤同两碗饭，仲包埋冻饮，真系好抵食！惟一要挑剔嘅就系佢嘅饭煮得比较烂，可能佢始终系卖米线为主嘅，所以比较少人叫饭嚟食。
张贴
