伊勢日本料理 (已結業)

呢间日本菜位于利舞台，餐牌排列得好整齐，应该系做正中日本料理，但系今日我地两个都唔想谂食咩，所以叫了两个定食：1. 吉列猪扒定食 - 有好正中嘅面豉汤，前菜有萝卜干同酸瓜粒，猪扒炸得金黄色、脆脆的，初时食落好软熟，但食到中间位置时就偏硬同偏亁，伴碟有一推用strawberry dressing嘅salad，感觉好清新; 饭系好靓嘅日本珍珠米。2. 牛肉火锅定食 - 因为摆得太耐，所以啲牛肉有啲鞋口，但系汤嘅味道好甜好美味，其他都系一样。最后系甜品，有几款雪糕比我地拣：绿茶、红豆、芝麻，我地分别拣咗绿茶及芝麻，绿茶雪糕嘅唔够绿茶味，不过不失，可以暂时顶住我嘅瘾，芝麻雪糕口感不错，芝麻味十足。Comments : 食物水准还好，不过不失。服务态度唔错，周不时会加茶。位置舒适，两个人可以坐四个人嘅卡位。