莎娃迪卡 (已結業)

自从上年去完泰国，一直都好挂住d泰国菜，无奈香港好食既泰菜冇乜得几多间，不过既然想食就一于叫老婆上OpenRice揾下，又真系揾到间新开冇耐既莎娃迪卡，就一于book枱试下。习惯性地一去到先留意环境，算几好，有泰菜馆feel，地方算阔落，坐低都舒服。然后又系惯性先叫野饮，睇牌就冇乜野好拣，叫左杯耶汁冰，点知原来问下佢倾多两句先知系有泰啤既，爽！然后一口气就点左泰式炒金边粉、肉碎生菜包、飞天通菜、香芽鸡中翼同埋必食既冬阴功汤。首先尼既系肉碎生菜包，肉碎既香料非常足，生菜亦系新鲜菜。再尼系香芽鸡中翼同埋泰式炒金边粉。鸡翼炸得均匀，唔会太油。金边粉有四种调味料拣，有辣有糖有花生，仲有醋，全部都非常特别，好正宗既食法。然后就系冬阴功汤同飞天通菜。冬阴功尼讲大大只虾，够辣。香港地算非常足料。至于通菜，其实都系辣，质感有d似腐乳通菜，只系冇左果阵腐乳味。食左咁多野其实已经饱到上心口，我就再食唔落，我老婆就再食多个芒果糯米饭就结束啦。