沙嗲王 (已結業)

今日一返到公司，同事就话今日好想食白咖喱，于是 Lunch time 就成班同事出左去食饭。旺角呢间第一次黎，坐位都好宽敞。白咖喱猪扒饭 $54 x 2 - 呢个系沙爹王嘅招牌菜，每次黎必点，咁多年都维持到水准。每碟有三块猪扒，厚切但整得好淋，有淡淡香茅味。白咖喱微辣有椰香，捞饭一流。红酒焗牛柳粒饭 $68 - 一上枱，我地就哗哗哗，饭上面嘅牛柳粒好似就嚟满泻，份量超多。入面除咗有芝士仲有温泉蛋，捞埋饭同牛柳粒一齐食，口感好丰富。蟹粉豆腐锅 配 薄饼 $78 - 因为太多饭所以配薄饼，可以点蟹粉豆腐黎食。豆腐好滑，蟹肉新鲜。一直以嚟都只系会叫白咖喱猪扒饭，今次经同事介绍，原来红酒焗牛柳粒饭都好出色，下次就唔使再独孤一味。