逸豪酒家 (已結業)

之前来过呢度，曾因为佢某些饮食业嘅致命问题而感到失望，搞到我好耐都唔敢来，其实我之前有系呢个Openrice平台两度就卫生及服务撰文反映，两篇文嘅标题是「吓人...」(2009/6/22)和「一肚气!」(2009/12/23)，详细资料大家也可翻查以上提及文章。致命问题包括:1)整洁问题: 碗碟不太清洁；重用前一手客人用完的枱布，即冇换，核突到爆!2)服务问题: 冇人招乎；埋单又计多钱好唔老实，到我睇单唔分气又黑哂面!时至今日，巧合之下班friend约咗来呢度，开头我好有恐惧感，不过我认为整洁及服务问题都稍有改善。今次质素尚ok，当然仍有改善空间!干炒牛肉河(碟):炒得不错，有镬气，又抵食!凉瓜牛肉饭(碟): 分量足，又有好香嘅蚝汁送饭，牛肉亦不错!切鸡米粉: D汤冇味如清水，劲难食!蟹子烧卖皇: D肉质麻麻! 香煎虎皮椒:冇乜特别!经典流沙包:不过不失!香芋鸭脚扎:好食，不过D鸭脚染红色得好犀利!山竹牛肉球:唔好食，沟咗好多肥肉及粉!来到好少客，不禁感叹生意难做呀，恐怕不敌最近嘅喜悦、要等位嘅宝湖、德馨苑及要等成最少半粒钟嘅明星!今次质素中规中矩，服务及卫生都稍有改善，而且价钱化算!