加東 (已結業)

一上到去好旺，七点半开始多人，幸好早来有位!上次无试海南鸡，今次试左半只海南鸡、肉骨茶、沙嗲、马拉盏炒通菜加两个鸡油饭今次无乜影相，但楼上铺的感觉非常好，聊天一流，我地两个人好似自成一角坐泊墙位，很好!!上次我食喇沙已经觉得四十几蚊食到质素好既喇沙，今次半只海南鸡又有惊喜，同出面唔同....系有少冰冰地，但又唔系冻，食落系滑既肉，点埋有个橙甜酸汁，其实有三款汁可以点，呢个有少少辣，真系好好送饭!怪唔得甘多人都赞个海南鸡推介!~呢D日子最好就饮下药材汤补补身，我地叫既肉骨茶好落足料煲，药材味重，可能就未够新加坡果D煲到辣喉，但呢个系好arm香港人口味，钟意饮汤既朋友应该会好钟意，好好味!~味精真系唔觉重，都系药材味多仲有个火一路烘热住，真系好好既享受! 沙嗲算不过不失，不错既小食!马拉盏通菜系咸左少少，不过下次叫就少盐可能就会更好，都好味，获气够!~鸡油饭好少可见到整得干身得泥入味，好难得!~今餐真系好好味，完全食到预期味道，系海南鸡特别好味!~最后叫左两杯薏米水...好好味，推介!