Marco Bistro (已結業)

想写呢个食评好耐，但现在才有空闲。25/12/2005晚到上此餐厅用膳(因为平安夜前2天同朋友吵架及冷战。虽然我已买了戏票但大家都无想过会出去，所以一直无订位食饭)。平安夜，他来电议和后就负责找餐厅食饭，餐饭咁就出事。根据他的说词﹕这是惟一1间仲订到位又好似几好的餐厅。所以25号看戏后便来了这里食饭。可能因为节日关系，全餐厅得4个set可以选择。价钱唔贵$1xx/ set…唉…都知到好极有限…点知…同下面hogold一样喝了一个怪味龙虾汤，唔识形容但都几难饮。烟三文鱼沙律一般，烟三文鱼唔咸又唔似烟过。主菜要了羊膝及牛柳，羊膝中规中矩唔算太差。牛柳要medium rare ,但上菜后发现接近9成，厨师功力好有问题。牛柳味道真系麻麻，而且仲几韧。全晚最差的就是甜品，淋上士多啤梨汁的蛋糕是超难食！张单唔系我埋所以唔知实际几多钱，只知道$400有找。题外话﹕到达时已10点无乜人，厨房应该不算太忙但都系咁差。走的时候，他问我呢间都OK呀?我心谂下次有人请都唔会再来。