美味店

营业中

休息中

有一間好有人情味既越式小店，外表睇落好不起眼，店內有3位越南姨姨主理，鋪面細細但人流卻源源不絕，大部份都係街坊同附近上班族。魚餅撈檬粉/ 豬扒撈檬粉 $36雖然已經加左價，但呢個價錢真係唔知邊度可以搵到，而且仲大大份、好足料添！魚餅應該都係攞貨既，但肉質口感真係唔錯！可惜豬扒就麻麻地，柴左啲啲。其他佐料都十分新鮮！香茅雞串不是小食，但可以粉面價單叫，雖然咁樣貴左啲，但呢個雞串真係好好味😋雞肉唔會overcooked所以好嫩口，真係好想點埋沙爹🤣一路食就一路observe到其實最好味既應該係佢地既生牛河，因為差唔多每個街坊都係叫呢個！好喜歡呢種小店，總會感覺到份親切感😍