乜嘜雞蛋仔 (已搬遷) 新店位置

「乜嘜蛋仔MCQ」已經開業五週年，深得街坊歡迎，而我就係每次跑步去西九都會路經呢間小店，被佢食可愛小雞logo吸引。今次嚟到要飲番杯「冰鎮咖啡」，凍咖啡冰量剛好，入口先飲到香濃咖啡香，再來湧出奶香味，隨後再回咖啡香味， 的確了不起，口感超滑溜。小食就嚟個乜嘜咖哩魚蛋加拼牛肉丸，牛肉丸非常大粒，有牛肉味而且軟熟有咬口。 咖哩魚蛋細細粒，一口一粒，咖哩味道夠辣，好惹味。主角出場， 雞蛋仔大玩竹炭系列「 黑炭溶心芝士雞蛋仔」，即叫即製，熱辣辣，超正!雞蛋仔外脆內軟，入口有微微竹炭香，亦都食到雞蛋味，加上點鹹味的芝士仲有流心同拉絲，十足創意，贊!