牛摩+ (新都城中心二期) (已結業)

今日夜晚约咗朋友喺新都城食嘢，今晚大家都想打边炉，识下靓嘅牛肉，见到呢间牛摩好似唔错一于试试。有几款火锅餐，我哋拣咗美国极品牛小扒放题，汤底方面拣咗鸳鸯锅，骨胶原啫喱鸡白汤同埋港式沙嗲汤，有浓味有清淡。自助区方面有唔少嘅边炉配料，而且有寿司同埋沙律菜作为餐前嘅小食。饮品方面种类几多，有咖啡机汽水机同埋沙冰！仲有甜品柜同埋雪糕机，有齐晒自助火锅必备嘅元素。首先系汤底，鸡白汤都几有趣，有一只骨胶原牛头啫喱，可以放入汤底里面烹煮，营养应该几丰富。牛肉嘅种类多，而且质素都真系几唔错，网络都感觉好新鲜，同埋好好味，唔会悭水，博得来但系大大一片！然之后就系海鲜，正正常常冇咩特别但系比我想像中多种类。除咗火锅之外，原来扫QR code之后仲有好多小食，尤其是我最钟意食炸嘢，有鸡软骨、五香鸡翼、一口炸芝士、炸薯条、麦乐鸡同埋章鱼小丸子等等，出奇意外全部都好好味！尤其系鸡软骨，Encore左三四次。 总括嚟讲，呢个价钱食到咁多嘢真系好满足同埋觉得算系好抵，下次要再同屋企人嚟食。