影片
更多
2021-03-04
64 浏览
今日同朋友特登入黄埔去食呢间好多人介绍嘅九重鲜，唔怕肥嘅我地拣左食午市放题（其实就怕肥，不过为食）。呢个午市放题平日就$268一位，星期六日就$298一位，不过可以食成2.5个钟咁多！每位都要有一份龙虾、鲍鱼、带子同埋一份叫椰皇三重奏嘅甜品。仲有好多蒸海鲜、小食、汤、串烧、烤肉、天妇罗同埋银纸烧可以任食。另外加左$13任饮饮品。首先每人一份带子系连埋粉丝一齐蒸嘅，粒带子都几大粒。龙虾肉同鲍鱼蒸完之后都仲爽口弹牙，可见本身都几新鲜。可以随自己喜好点豉油同辣椒食。蒸海虾同埋蚬系任食嘅，连蒸蚝都系任食。以任食黎讲，呢到嘅蒸海鲜都算鲜甜，食多几只海鲜都可能可以回本。汤就有韩式人参鸡汤或者冬阴功汤饮。小食都有好多种类，特别想提嘅系韩式海鲜煎饼，细细片嘅煎饼上面铺上好多芝士，中间仲夹住公仔面添，都几特别。至于芝士烟肉焗蚝就焗都好香，仲有少少薯蓉添。至于烧嘅嘢食方面，我地回头率最高嘅就系蒜蓉牛油烧金菇、汁烧七味鸡髀菇串同埋新疆16味烤鸡肉串。蒜蓉牛油烧金菇嘅蒜蓉同牛油味好香。汁烧七味鸡髀菇串个汁就烧到有少少甜甜地，外面就脆脆地，一咬落去啲鸡髀菇真系爆肉汁，呢个我地都食左四五串。新疆16味烤鸡肉串嘅鸡
呢个午市放题平日就$268一位，星期六日就$298一位，不过可以食成2.5个钟咁多！每位都要有一份龙虾、鲍鱼、带子同埋一份叫椰皇三重奏嘅甜品。仲有好多蒸海鲜、小食、汤、串烧、烤肉、天妇罗同埋银纸烧可以任食。另外加左$13任饮饮品。
首先每人一份带子系连埋粉丝一齐蒸嘅，粒带子都几大粒。
龙虾肉同鲍鱼蒸完之后都仲爽口弹牙，可见本身都几新鲜。可以随自己喜好点豉油同辣椒食。
蒸海虾同埋蚬系任食嘅，连蒸蚝都系任食。以任食黎讲，呢到嘅蒸海鲜都算鲜甜，食多几只海鲜都可能可以回本。
汤就有韩式人参鸡汤或者冬阴功汤饮。
小食都有好多种类，特别想提嘅系韩式海鲜煎饼，细细片嘅煎饼上面铺上好多芝士，中间仲夹住公仔面添，都几特别。至于芝士烟肉焗蚝就焗都好香，仲有少少薯蓉添。
至于烧嘅嘢食方面，我地回头率最高嘅就系蒜蓉牛油烧金菇、汁烧七味鸡髀菇串同埋新疆16味烤鸡肉串。蒜蓉牛油烧金菇嘅蒜蓉同牛油味好香。汁烧七味鸡髀菇串个汁就烧到有少少甜甜地，外面就脆脆地，一咬落去啲鸡髀菇真系爆肉汁，呢个我地都食左四五串。新疆16味烤鸡肉串嘅鸡肉就非常嫩滑，调味亦都调得好，所以我哋都食咗几次。
炸物方面因为我哋本身唔太钟意食炸嘢，所以都冇乜点食。
银纸烧有两款，一款系麻辣一款系唔辣。我就拣咗麻辣嘅，入面有粉丝、两只蚬同埋两只虾。银纸烧一嚟到嘅时候，系用锡纸包住左啲材料同埋汤嘅。然后店员会喺锡纸外面淋上酒，然后点火，就会有啲火围住块锡纸咁样烧啦。等火熄左之后就可以打开嚟食嘅。我觉得麻辣都几正，汤底嘅味道有啲蒜味，望落唔辣其实辣辣地，有少少麻辣烫嘅味道。
椰皇三重奏入面有椰丝、椰皇奶冻同埋椰汁冻。食落椰汁味超浓，味道好清新好正！可惜呢个甜品唔系任食，如果任食我应该都会食返三四杯！
个口完全冇停过咁食咗两个半钟，由十二点半食到三点，由餐厅坐满晒人食到啲人都差唔多走晒，饱到上心口，下次都系要控制下自己把口。
张贴
