翠華餐廳 (已結業)

25/1/2010 (星期一)今晚系尖沙咀逛街，见到对面街的翠华餐厅，于是走去试下。翠华的奶油猪好出名，所以我叫咗一个($12)试下味，另外鱼汤、鱼蛋都出名，心多多样样都想试下，就叫一个乜都有的鱼四宝河(有鱼蛋、鱼腐、鱼春卷、墨鱼丸)($29)。店内地方清洁，一般茶餐厅的格局，当然要搭枱啦，服务都算OK啦。奶油猪： 个包摸上手仲热热地，咬落好脆，奶油好香口，如果再多D奶油就会更加好食。讲到价钱，$12一个奶油猪，认真贵，不过咁好食乜都抵番。鱼四宝河： 我系爱鱼之人，第一啖梗系先试鱼汤啦，鱼汤系奶白色的，好好饮，饮落唔会口渴无味精，鱼蛋弹牙，墨鱼丸，鱼腐、鱼春卷都唔错。