定食 Doraya (已結業)

之前自己帮衬过CWB分店都觉得OK, 太太之前两三次黎旺角分店都还可以, 点知今次一齐黎就中晒伏.点完野食, 自己个份三文鱼子海胆饭定食十分钟之内出现就OK喇, 不过明明叫左加大, 但送上黎个感觉唔似加左大(?), 味道OK既.太太个份杂锦鱼生饭定食就大件事了, 起码迟左十几廿分钟先黎, 仲要好多份其他客既餐(包括炸物, 定食, 鱼生饭等) 都系迟黎先上岸, 打完眼色问完都系话未整到佢个份.叫份杂锦鱼生饭者, 驶唔驶整咁耐? 唔想开条新鱼整鱼生粒咪讲啰! 我比钱同你开条新既, 食晒佢又点话? 仲有两个侍应小姐净系识得自己倾计, 叫佢地起码要叫两三次先黎, 茶杯空晒见到都唔加. 坐底时斟左杯茶之后之后成程都无再加过茶. 如果你公司限定一餐得杯茶, 唔该写明, 咁我会叫野饮. 食完D味浓既小食, 茶都无杯漱下口, 打后食乜都无味喇下嘛?唔好一系改善下D服务水准, 一系就改过个名, 唔好影衰其他两间分店喇.