玖五牛肉麵 (已結業)

不嬲都钟意食台湾野，无奈食过本地好几间台湾餐厅，唔系太浓味，太咸，就系味精超劲！今次系喺毫无research之下，放工八点几行过谢斐道，见舖面新净就入左呢间玖五牛肉面食，都有惊喜㖞！叫咗个红烧汤底牛肉面，面底分量唔算多，不过面质好弹牙，汤底唔会死咸，牛展亦都好够腍，唔错唔错！去到呢个台湾卤肉饭，味道方面都正常啦，唯独是系肉燥嘅份量系奇少，真系好少，其实个味道系ok㗎，肉燥份量多份啲个balance会好好多！呢个豆鱼系额外叫嘅小食，个惊喜位系，外皮系腐皮炸到香脆，入面系相对清淡嘅芽菜，再淋埋个蔴酱，清新得来口感又浓郁，下次再黎都会再嗌番呢个豆鱼！