海街丼 (E-Max) (已結業)

同朋友約左晚飯，裡面環境都幾日式和風，同埋夠安靜。食物方面，我同朋友都揀左最貴既丼，最多刺身款式的，有帶子，蟹肉，蝦，海膽 😝 因為一有海膽就忍唔住揀左黎到有一個暖水壺熱住魚湯，店員介紹食完刺身，淨左d 飯可以用魚湯黎浸，變成茶嘖飯。蝦同海膽我覺得不過不失，其他材料還好，份量我覺得都多，都好飽，我地仲貪心叫多左個燒明太子，我覺得可叫可唔叫啦 😂 只係我同朋友都咁岩中意食明太子就勁想食。最後食淨d 飯就落魚湯，湯既份量都好多，我覺得落一半都可以，落太多會太咸。整體黎講，果個位置冇太多好野食，我覺得算係九展既高質食鋪，下次做野放工會再去食 👍🏻不過價錢就略貴。