武士拉麵 (已結業)

九龙湾展贸其实有好多家私店行，但系最惊系冇嘢食，原来𠮶度开咗好多间嘢食，乜嘢菜式都有，而且好方便，大部份都系open area，喺尖沙咀都有嘅冇事拉面喺呢度都开咗分店。武田将军拉面$118呢度所有嘅拉面都系以将军嘅名称命名，我呢个其实就系北海道牛乳拉面，个汤底有好香嘅奶油忌廉香味，识落好甜，同平时食开咸咸地嘅拉面好唔同，最钟意系佢快叉烧，好似用炭烧过咁，有d㶶边，未到超香，系成碗拉面我最钟意嘅。真田将军拉面$88呢个其实系猪骨汤底拉面，相对地比头先嘅北海道牛乳拉面普通啲，唔会太咸，最重要嘅系佢嘅配料唔系叉烧而系猪软骨，猪软骨炆得好琳，好入味，啲软骨入口即溶，而且份量好多好大件。蜜糖芥末鸡翼$28呢度嘅小食就真系好抵食， $28有八件蛋骨嘅鸡翼，外皮炸得吹卜卜，淋上蜜糖芥茉浆汁，个芥末唔轻手，食到我辣到上脑。芝士炸虾丸$35一共有五件，同平时嘅芝心丸唔同系用咗虾丸做材料，一咬开里面嘅芝士都同平时食开嘅芝士唔同，未到奶好多同埋留心好多，虽然做唔到拉丝嘅效果，但系系另外一番嘅芝士风味。