華星冰室 (E-Max) (已結業)

今朝晨早流流带小朋友黎九展参加数学比赛，送完佢地入课室当然要揾地方坐下过日晨，以为呢度系不毛之地冇野食啦，点知原来二楼已经发展成出一条食街，入面各式各样食肆，真系唔愁无早餐食。其中有间华星冰室系湾仔出名系名明星饭堂，个炒蛋炒到远近驰名，家阵唔洗过海就食得到，紧系要帮衬下。叫左个早晨套餐有炒蛋配厚多士，再加个火腿通。多士够厚够松软有牛油香，通粉够弹牙，最正系个炒蛋，有蛋香又滑！至于老婆个鸡扒配米粉同样有水准，鸡扒香口又够大块，能够响九展食到有水准的早餐，真系超级惊喜！